MMI rezidentlik maqomi nima?

* Aslida, Maxsus malakali ishchining ikki turi mavjud: (i) va (ii). Bu yerda deyarli barcha uchun amal qiladigan Maxsus malakali ishchi (i) nima ekani tushuntirilgan.

Viza va rezidentlik maqomi

Umumiy qoida tariqasida, Yaponiyaga kirishni rejalashtirayotgan chet el fuqarolariga viza xorijiy mamlakatdagi Yaponiya elchixonasi (Tashqi ishlar vazirligi tashkiloti) tomonidan berilishi lozim. Biroq, viza olishning o‘zi Yaponiyaga kirishni kafolatlamaydi. Yaponiyaga yetib kelganingizda aeroportda va h.k.da Yaponiya Adliya vazirligining Immigratsiya xizmatlari agentligi tomonidan tekshiruvdan oʻtkazilasiz, shu sababli Yaponiyada shugʻullanmoqchi boʻlgan faoliyatingizga mos boʻlgan rezidentlik maqomini olishingiz kerak boʻladi. Shu sababli “viza” va “rezidentlik maqomi” turli tashkilotlar vakolatiga kiruvchi alohida tartibotlardir. Ushbu sahifada bayon qilingan MMI tizimi yangi joriy etilgan rezidentlik maqomi turidir.

MMI xususiyatlari

Yaponiyada MMI sifatida ishlash huquqiga ega boʻlganlar kamida 18 yosh boʻlishi, sogʻlom boʻlishi hamda hech qanday tayyorgarlik trening mashgʻulotlarni oʻtamasdan darhol ish boshlay olish uchun kerakli koʻnikmalar va yapon tili bilimiga ega boʻlishi kerak. Koʻnikmalar va yapon tili bilimi Yaponiya tomonidan amalga oshiriladigan integratsiyalashgan test orqali tasdiqlanadi. Umumiy qoida shuki, siz Yaponiyaga oila aʼzolaringiz bilan birga kela olmaysiz va umumiy hisobda 5 yilgacha ishlashingiz mumkin. Yaponiyada ishlashga ruxsat beruvchi boshqa rezidentlik maqomlaridan ushbu maqomning yana bir asosiy farqi shundaki, bu maqom Yaponiyaga kelgan vaqtingizdan boshlab to uyga qaytguningizgacha ish beruvchingizdan ham ish, ham yashash borasida keng qamrovli yordam olish imkonini beradi.
Shuningdek, xalqaro qissa qo‘shish maqsadida joriy qilingan “Texnik amaliyot treningi” deb nomlanuvchi boshqa bir tizim ham mavjud boʻlib, unda ishchilar Yaponiyada ish joyida amaliyot bilan malaka oshirish orqali turli metodlarni oʻrganib, soʻng oʻz vatanlariga qaytib, Yaponiyada olingan ushbu texnik bilimlarini bilan boʻlishadilar. Bu tizim ostida maʼlum miqdorda o‘quv tayyorgarlikdan muvaffaqiyatli oʻtganlar uchun oʻz rezidentlik maqomini ish koʻnikmalari va yapon tili malakasi testini topshirmasdan aynan shu sohadagi MMIga oʻzgartirish imkoniyati mavjud.

Maxsus malakali ishchi (i)

Belgilangan sanoat sohasida katta bilim va tajriba talab qiladigan koʻnikmalar zarur boʻlgan ishda ishlovchi chet el fuqarolari uchun rezidentlik maqomi

Viza muddati Umumiy hisobda 5 yilgacha; har yili, har 6 oyda yoki har 4 oyda yangilanishi kerak
Koʻnikma darajasi Imtihon orqali tasdiqlanadi (Texnik amaliyot (ii) trening dasturini tamomlagan chet el fuqarolari bu imtihondan ozod qilinadi)
Yapon tilini bilish darajasi Kundalik hayot, ish va h.k.lar uchun talab qilinadigan yapon tili imtihoni orqali tasdiqlanadi (Texnik amaliyot (ii) trening dasturini tamomlagan chet el fuqarolari bu imtihondan ozod qilinadi)
Oila aʼzolarining birga kelishi Asosan ruxsat etilmaydi

Qabul qiluvchi tashkilot va roʻyxatdan oʻtgan qoʻllab-quvvatlash tashkiloti yordamini olish huquqiga ega

* Maxsus malakali ishchi (ii) – bu belgilangan sanoat sohasida katta bilim va tajriba talab qiladigan ishda ishlovchi chet el fuqarolari uchun rezidentlik maqomidir.

Yaponiyada MMI sifatida ishlash imkonini beruvchi kasblar
MMI sifatida ishlashingizga imkon beruvchi aniq belgilangan kasblar quyida 14 ta sanoat tarmog‘i toifasining har biri uchun keltirilgan.

Sogʻliqni saqlash, mehnat va ijtimoiy himoya Vazirligi vakolati ostida

  • Hamshiralik parvarishiJismoniy parvarishdan (foydalanuvchining jismoniy va ruhiy holatiga qarab yuvinish, ovqatlanish, hojat qilish va h.k.larga yordam berish) tashqari, u bilan bogʻliq har qanday yordam koʻrsatish xizmatlari (hordiq, funksional mashgʻulotlar va h.k.larda yordam berish)
    Eslatma: Uyga tashrif xizmatlari bunga kirmaydi

  • Binolarni tozalashIchki binolarni tozalash

Iqtisodiyot, savdo va sanoat Vazirligi vakolati ostida

  • Materiallar va ishlov berish sanoatiMetall quyish, bolgʻalash, bosim ostida metall quyish, mexanik ishlov berish, metallga shtamplash, metall varaqlarga zavodda ishlov berish, metall bilan qoplash, alyuminiy anodlash, sayqallash, uskuna va dastgohlar koʻrigi, uskuna va dastgohlarga texnik xizmat koʻrsatish, boʻyash, payvandlash

  • Sanoat asbob-uskunalarini ishlab chiqarishMetall quyish, bolgʻalash, bosim ostida metall quyish, mexanik ishlov berish, boʻyash, temir qismlar ishlab chiqarish, metall varaqlarga zavodda ishlov berish, metall bilan qoplash, sayqallash, mashinalar koʻrigi, mashinalarga texnik xizmat koʻrsatish, sanoatdagi qadoqlash, elektron uskunalarni yigʻish, elektr uskunalarni yigʻish, bosma simli plata ishlab chiqarish, plastik eritish va quyish, metallga shtamplash, payvandlash

  • Elektr, elektronika va axborot texnologiyalari sohasiMexanik ishlov berish, metallga shtamplash, metall varaqlarga zavodda ishlov berish, metall bilan qoplash, sayqallash, mashinalarga texnik xizmat koʻrsatish, elektron uskunalarni yigʻish, elektr uskunalarni yigʻish, bosma simli plata ishlab chiqarish, plastik eritish va quyish, payvandlash, sanoatdagi qadoqlash

Yer, infrastruktura, transport va turizm Vazirligi vakolati ostida

  • QurilishOpalubka qurilishi, suvoq, beton nasoslari, tunnellar va harakatga keltirish vositalari, qurilish texnikasi va qurilish, yer ishlari, tom yopish, telekommunikatsiyalar, armaturali qurilish, armaturalarni birlashtirish ishlari, ichki pardozlash/montaj ishlari, qurilish havozalari, qurilish duradgorligi, quvurlar oʻrnatish, metall plitalar, issiqlik/sovuq izolyatsiyasi, urenat izolyatsiyasini purkash, dengiz fuqarolik muhandisligi

  • Kemasozlik va dengiz mashinasozligi sanoatiPayvandlash, boʻyash, metall qismlar ishlab chiqarish, sayqallash, mexanik ishlov berish, elektr uskunalarni yigʻish

  • Avtomobillarni tuzatish va ularga texnik xizmat koʻrsatishKundalik texnik ko‘rik va texnik xizmat koʻrsatish, joriy texnik ko‘rik va joriy texnik xizmat koʻrsatish, avtomobillarni demontaj qilish va ularga texnik xizmat koʻrsatish

  • Kundalik texnik ko‘rik va texnik xizmat koʻrsatish, joriy texnik ko‘rik va joriy texnik xizmat koʻrsatish, avtomobillarni demontaj qilish va ularga texnik xizmat koʻrsatishAeroportda yerdagi xizmatlarni koʻrsatish (yerda haydashga yordam xizmatlari, bagaj/yuklarni boshqarish xizmatlari va h.k.), samolyotlarga texnik xizmat koʻrsatish (samolyotlar, uskunalar va h.k.larga texnik xizmat koʻrsatish xizmatlari)

  • MehmonxonaMehmonxona bilan bogʻliq xizmatlarni, shu jumladan, qabul qilish ishlari, rejalashtirish va jamoatchilik aloqalari, mijozlarga xizmat koʻrsatish, restoran xizmatlari va boshqa xizmatlarni koʻrsatish

Qishloq, oʻrmon va baliq xoʻjaligi Vazirligi vakolati ostida

  • Qishloq xoʻjaligiUmumiy ekinlar yetishtirish (ekinlar boshqaruvi, qishloq xoʻjaligi mahsulotlarini yigʻib olish / joʻnatish / saralash va h.k.), umumiy chorvachilik (oziqlantirishni boshqarish, chorvachilik mahsulotlarini yigʻib olish / joʻnatish / saralash va h.k.)

  • Baliqchilik sanoati va akvakulturaBaliqchilik sanoati (baliq ovlash vositalarini ishlab chiqarish / taʼmirlash, suv jonzotlari yoki oʻsimliklarini qidirish, baliq ovlash vositalari / baliq ovlash texnikasini ishlatish, suv jonzotlari va oʻsimliklarini yigʻish, ovlangan jonzotlarni saqlash / ularga ishlov berish, xavfsizlik va salomatlikni taʼminlash va h.k.), akvakultura (akvakultura asbob-uskunalarini ishlab chiqarish / taʼmirlash / boshqarish, akvakultura jonzotlari va oʻsimliklarini yetishtirish / yigʻib olish / ularga ishlov berishni boshqarish, salomatlik va xavfsizlikni taʼminlash va h.k.)

  • Oziq-ovqat va ichimliklar ishlab chiqarishUmumiy oziq-ovqat va ichimliklar ishlab chiqarish (oziq-ovqat va ichimliklar (spirtli ichimliklardan tashqari) ishlab chiqarish va ularga ishlov berish, salomatlik va xavfsizlik)

  • Oziq-ovqat xizmatlari sanoatiUmumiy oziq-ovqat xizmatlari (oziq-ovqat va ichimliklar tayyorlash, mijozlarga xizmat koʻrsatish, doʻkonlar boshqaruvi)

Blossom! in Japan.

  • Play movie in a new window:14 in demand occupations
  • Play movie in a new window:Specified Skilled Workers supported in work & life
  • Play movie in a new window:utilize your skills experience
Page Top