Tibbiy viza

● Tibbiy vizasi - bu davolanish maqsadida Yaponiyaga tashrif buyurayotgan xorijiy bemorlar va ularning hamrohlariga beriladigan viza.
● Tibbiy viza nafaqat xorijiy bemorlarga, balki ularga hamroh bo'lgan shaxslarga (shu jumladan, qarindoshlaridan tashqari boshqa shaxslarga) ham beriladi.
●Ushbu viza "tibbiy muolajalar" maqsadida beriladi. Bu viza bilan Yaponiyada daromad keltiradigan faoliyat bilan shug’ullanish qat’iyan taqiqlanadi.
● Batafsil ma'lumotni Yaponiya Tashqi ishlar vazirligi veb-saytida topishingiz mumkin.
　　Yapon tilida：　https://www.mofa.go.jp/mofaj/toko/visa/medical/index.html
　　Ingliz tilida：　https://www.mofa.go.jp/j_info/visit/visa/medical_stay.html

Zaruriy hujjatlar
※Hujjatlarning hammasi A4 formatidagi qog’ozda bo’lishi shart. Stepler bilan qistirmangiz. Hujjatlarni bir tomonga qaratib taxlab topshiring.
 

・Arizachining o’zi tayyorlaydigan hujjatlar

□	Viza anketasi –2 nusxada	・Barcha bandlarni to'ldiring va bo'sh joylarni qoldirmang. (Agar tegishli bo'lmasa, aniq qilib “none" yoki “n/a" deb yozing). ・Arizaga ariza beruvchining imzosi qo’yilishi shart. ※Agar uchinchi shaxs (masalan, vakil) arizani imzolaganligi aniqlansa, ariza qabul qilinmaydi.
□	Fotosurat	・4,5 x 3,5 sm. o'lchamdagi tiniq rangli fotosurat ・So'nggi 6 oy ichida olingan fotosurat bo’lishi shart ・Fotosuratni tekis va ariza shakli ramkasiga mos keladigan o'lchamda yopishtiring. Agar o'lchami mos kelmasa, qayta topshirishingiz so'raladi.
□	Xorijga chiqish pasportning asli	・Muqovasini olib tashlang va ichiga qog'oz yoki boshqa narsalar qolmaganligini tekshiring.
□	Xorijga chiqish pasportning kopiyasi	・Yuzingiz va ismingiz aniq ko'rsatilishi mumkin bo'lgan tiniq kopiyasini topshiring ※Elchixonada hujjatlar kserokopiya qilinmaydi. Shuning uchun ularning kopiyasini albatta o'zingiz bilan olib keling.
□	Aviabiletlarning broni	・Ikki tomonga aviareyslarni bron qilganingizni ko'rsatuvchi hujjatlar ※Aviachipta sotib olish shart emas. Agar vizangiz tekshiruv natijasida berilmasa, Elchixona aviabiletga sarflangan pulni qaytarishga nisbatan hech qanday ma’suliyatni o’ziga olmaydi.
□	Safar xarajatlarini to'lash qobiliyatingizni tasdiqlovchi hujjatlar, masalan, bank hisob raqamidagi qo’ldiqni tasdiqlovchi ma’lumotnoma va boshqalar	・Bank hisob raqamidagi qo’ldiqni tasdiqlovchi ma’lumotnoma va shu hisob raqamdan so’nggi 3 oy aylanmasini taqdim qilish kerak. ・Ish joyidan olingan ma'lumotnoma (lavozim nomi, ish staji va maosh ko'rsatilgan), my.gov.uz orqali berilgan daromad ma’lumotnomasi va soliq to’langanligini tasdiqlovchi hujjat.
□	Ishonchnoma	（Ariza vakil orqali topshirilganda） ・Ariza beruvchi tomonidan imzolangan ishonchnomaning asl nusxasi taqdim etilishi shart.

・Yaponiya tomoni (taklif qiluvchi muassasa) tayyorlaydigan hujjatlar

□	Tibbiy muassasa tomonidan berilgan rejalashtirilgan tibbiy ko'rik va boshqalar to'g'risidagi ma'lumotnoma
□	Kafl bo’ladigan muassasadan Kafolat xati

□

Davolash rejasi

(Agar davolanish uchun Yaponiyaga bir necha bor tashrif buyurishingiz kerak bo'lsa) - Haqiqiy safar rejalaringizni aniq bayon qiling - Turar joyingizning ismini, manzilini va aloqa ma'lumotlarini kiriting - Iloji boricha batafsil ma'lumot bering

※Bundan tashqari, Elchixona ariza berish jarayoni uchun zarur deb hisoblangan qo'shimcha hujjatlarni so'rashi mumkin.