Qisqa muddatli viza

●Yaponiyaga "qarindoshlaringiz/tanishlaringizni ziyorat qilish" maqsadidagi viza bilan kirib, Yaponiyada daromad keltiradigan faoliyat bilan shug'ullanish qat’iyan taqiqlanadi.
●Ushbu turdagi vizaga ariza berish turmush o'rtoqlar, qarindoshlikning uchinchi darajadagacha bo’lgan qarindoshlar, tanishlar va do'stlarni ziyorat qilishga nisbatan qo'llaniladi.
●Soxta hujjatlar topshirilganda, viza arizasi uzoq vaqt davomida nafaqat ariza beruvchidan, balki soxta hujjjatlarga aloqador barcha shaxslardan ham qabul qilinmaydi.
● Agar biron bir yolg'on deklaratsiya yoki bayonot berilsa, ariza beruvchi, unga hamroh bo'lgan shaxslar va tegishli shaxslar uchun uzoq muddatli viza arizasi rad etiladi.

Zaruriy hujjatlar　
　※ - Hujjatlarning hammasi A4 formatidagi qog’ozda bo’lishi shart.
       - Stepler bilan qistirmangiz.
       - Hujjatlarni bir tomonga qaratib taxlab topshiring.

・Arizachining o’zi tayyorlaydigan hujjatlar

□	Visa anketasi - 2 nusxada	・Barcha bandlarni to'ldiring va bo'sh joylarni qoldirmang. (Agar tegishli bo'lmasa, aniq qilib “none" yoki “n/a" deb yozing). ・Arizaga ariza beruvchining imzosi qo’yilishi shart. ※Agar uchinchi shaxs (masalan, vakil) arizani imzolaganligi aniqlansa, ariza qabul qilinmaydi.
□	Fotosurat - 2 dona	・4,5 x 3,5 sm. o'lchamdagi tiniq rangli fotosurat ・So'nggi 6 oy ichida olingan fotosurat bo’lishi shart ・Fotosuratni tekis va ariza shakli ramkasiga mos keladigan o'lchamda yopishtiring. Agar o'lchami mos kelmasa, qayta topshirishingiz so'raladi.
□	Xorijga chiqish pasportning asli	・Muqovasini olib tashlang va ichiga qog'oz yoki boshqa narsalar qolmaganligini tekshiring
□	Xorijga chiqish pasportning kopiyasi	・Yuzingiz va ismingiz aniq ko'rsatilishi mumkin bo'lgan tiniq kopiyasini topshiring ※Elchixonada hujjatlar kserokopiya qilinmaydi. Shuning uchun ularning kopiyasini albatta o'zingiz bilan olib keling.
□	Aviabiletlarning broni	・Ikki tomonga aviareyslarni bron qilganingizni ko'rsatuvchi hujjatlar ※Aviachipta sotib olish shart emas. Agar vizangiz tekshiruv natijasida berilmasa, Elchixona aviabiletga sarflangan pulni qaytarishga nisbatan hech qanday ma’suliyatni o’ziga olmaydi.
□	Qarindoshlikni (tanishlar/do'stlar ekanligingizni) tasdiqlovchi hujjatlar	・Qarindoshlar uchun: tug'ilganlik haqidagi guvohnoma, nikoh to'g'risidagi guvohnoma (ingliz, rus yoki yapon tilidagi tarjimasi ilova qilingan holda), oilaviy daftarcha va boshqalarning kopiyasi. ・Tanishlar va do'stlar uchun: birga tushgan fotosuratlar, elektron pochta yozishmalari, xatlar va boshqalar (ingliz, rus yoki yapon tillariga tarjimasini ilova qiling)
□	Ishonchnoma	（Ariza vakil orqali topshirilganda） ・Ariza beruvchi tomonidan imzolangan ishonchnomaning asl nusxasi taqdim etilishi shart.

・Yaponiya tomoni (taklif qiluvchi tomon) tayyorlaydigan hujjatlar

□	Taklif xati	Kopiyasi ham qabul qilinadi
□	Taklif qilinayotgan shaxslarning ro’yxati	(Bir vaqtning o'zida ikki yoki undan ortiq ariza beruvchilar ariza topshirganda)
□	Safar rejasi	・Haqiqiy sayohat rejalaringiz asosida tafsilotlarni ko’rsating. ・Turar joyning nomi, manzili va aloqa ma'lumotlarini kiriting. ・Iloji boricha batafsil ma'lumotlarni bering.
□	Kafolat xati	Kopiyasi ham qabul qilinadi
□	Kafilning sayohat xarajatlarini to'lash qobiliyatini tasdiqlovchi hujjatlar. Soliqni ushlab qolish to'g'risidagi ma’lumotnoma(源泉徴収) qabul qilinmaydi.	・課税（所得）証明書 ・ 納税証明書 – Eng so'nggi umumiy daromadingizni ko'rsatuvchi soliq (daromad) ma’lumotnomasi yoki soliq to'lovi ma’lumotnomasi ・Bank balansi ma’lumotnomasi
□	Yashash joyidan guvohnoma (住民票, Certificate of Residence)	・Barcha oila a'zolarining qarindoshligini ko'rsatuvchi　  ※Shaxsiy raqamni (マイナンバー) kiritish shart emas
□	(Agar taklif qilayotgan shaxs Yaponiya fuqarosi bo'lmasa)	□　Amaldagi yashash kartasi (在留カード、Residence card)ning ikkala tomonining kopiyasi □　Yashash joyidan guvohnoma(住民票、Certificate of Residence) - shaxsiy raqam (マイナンバー) va rezidentni ro'yxatdan o'tkazish kodi(住民票コード)dan tashqari barcha ma'lumotlar ko'rsatilgan bo’lishi shart) □　Xorijga chiqish pasportining kopiyasi

※Bundan tashqari, Elchixona ariza berish jarayoni uchun zarur deb hisoblangan qo'shimcha hujjatlarni so'rashi mumkin.