Konsullik xizmatlari uchun onlayn navbat tizimi joriy etilishi haqida e’lon

Yaponiya Elchixonasida konsullik bo‘limidagi tirbandlikni kamaytirish va xizmat ko‘rsatish sifatini oshirish maqsadida, quyidagi arizalar uchun oldindan onlayn navbatga yozilish tizimi joriy etiladi.
Onlayn navbatga ushbu havola orqali yozilish mumkin.
 
Yaqin orada onlayn navbat olish tizimiga haddan tashqari　ko‘p noqonuniy kirish va  ruxsatsiz foydalanish holatlari aniqlanayotganligi sababli, hozirgi vaqtda onlayn navbat olish tizimidan foydalanishda arizachining o‘zi oldindan akkaunt ochganidan keyingina navbat olish uchun ariza topshirishi majburiy etib belgilandi.
Shunga e’tibor beringki, akkaunt ochish uchun kiritilgan ma’lumotlar va ariza berish uchun kelgan shaxsning ma’lumotlari bir-biriga mos kelmasa, ariza hujjatlari qabul qilinmaydi.
Shuningdek, firibgarlik yoki boshqa qoidabuzarlik holatlariga shubha tug‘ilsa, Elchixona qaroriga ko‘ra olingan navbat bekor qilinadi. Buni oldindan inobatga olishingizni so‘raymiz.

• Sudlanmaganlik haqida ma’lumotnoma (Police Certificate)
• Viza

Viza olish uchun ariza topshiruvchilar veb-saytdagi ma’lumotlar bilan oldindan diqqat bilan tanishib chiqishlari, barcha kerakli hujjatlarni tayyorlashlari hamda viza arizasi to‘liq va xatosiz to‘ldirilganligini tekshirishlari lozim. Agar hujjatlar qabul kuni kamchiliklar va xatolar bilan taqdim etilsa, ariza qabul qilinmaydi va qaytadan onlayn navbatga yozilishga to‘g‘ri keladi.