“Aholining ijtimoiy himoyaga muhtoj qatlamlarini, shu jumladan Afgʻoniston fuqarolarini oʻzini-oʻzi taʼminlashni qoʻllab-quvvatlash orqali Surxondaryo viloyatida iqtisodiy faollikni rivojlantirish loyihasi” beg‘araz yordam dasturi doirasida Almashinuv notalarining imzolanishi

　　2025-yilning 27-avgust kuni Yaponiyaning O‘zbekiston Respublikasidagi Favqulodda va Muxtor Elchisi janob　XATORI Takashi va BMTTDning O‘zbekistondagi doimiy vakili FUJII Akiko  Yaponiya hukumatining beg‘araz yordam dasturi doirasida 496 million iyen miqdoridari “Aholining ijtimoiy himoyaga muhtoj qatlamlarini, shu jumladan Afgʻoniston fuqarolarini oʻzini-oʻzi taʼminlashni qoʻllab-quvvatlash orqali Surxondaryo viloyatida iqtisodiy faollikni rivojlantirish loyihasi” bo‘yicha Almashinuv notalarini imzoladilar. Shuningdek, FUJII xonim va JICAning O‘zbekistondagi vakolatxonasi rahbari janob BITO Yoshibumi ushbu loyiha uchun Grant shartnomasini imzoladilar.
 
　　Mazkur loyiha aholining ijtimoiy himoyaga muhtoj qatlamlarini, jumladan, O‘zbekistondagi yoshlar va ayollarni, ushbu viloyatda yashovchi afg‘on oilalarini va Afg‘onistondagi afg‘on ayollarini qo‘llab-quvvatlashga qaratilgan. Loyiha gidroponikani o‘zlashtirish, shuningdek, tadbirkorlarni bozor iqtisodiyoti, jumladan, IT-sohasi talablariga mos ravishda o‘qitish va tayyorlashga ko‘mak beradi. Bu aholining ijtimoiy himoyaga muhtoj qatlamlariga iqtisodiy mustaqillikka erishish va ish bilan taʼminlash imkoniyatlarini yaratishda yordam berishi kutilmoqda, va bu o‘z navbatida mintaqada iqtisodiy faollik va ijtimoiy barqarorlikka olib keladi.
 
　　2022-yil dekabr oyida Tokioda bo‘lib o‘tgan “Markaziy Osiyo + Yaponiya” Muloqotini tashqi ishlar vazirlarining 9-yig‘ilishida Yaponiya erkin va ochiq Markaziy Osiyoda barqaror taraqqiyotga erishish maqsadida “Insonga sarmoya kiritish” hamda “O‘sish sifati”ga asoslangan yangi hamkorlik modelini rivojlantirishga qaror qildi. Mazkur dastur ushbu ikki yo‘nalishni ham o‘zida mujassam etgan.
 
　　Yaponiya hukumati adolatli va barqaror jamiyat qurish yo‘lida O‘zbekiston bilan hamkorlikni davom ettiradi.