Yaponiya Universitetlarining ta'lim ko'rgazmasi o'tkazildi

　　5-noyabr kuni O‘zbekiston-Yaponiya markazida (UJC), UJC tomonidan tashkil etilgan Nagoya Universitetining O‘zbekistondagi vakolatxonasi, Tsukuba Universiteti hamkorligida “Japan Education Fair 2024” ta’lim ko‘rgazmasi bo‘lib o‘tdi. Tadbir Yaponiyaning O‘zbekiston Respublikasidagi elchixonasi, O‘zbekiston Respublikasi Oliy ta’lim, fan va innovatsiyalar Vazirligi, JICA O‘zbekistondagi vakolatxonasi, Yapon tili o‘qituvchilari va Yaponiya talabalarni qo'llab-quvvatlash xalqaro tashkiloti (JASSO) uyushmasi ko‘magida o‘tkazildi.

　　Ko’rgazmada 9 ta universitet va 3 ta yapon tashkiloti, shu jumladan Yaponiya elchixonasi oʻz maʼlumotlarini taqdim etdi. Ko'rgazmaga 600 dan ortiq talabalar tashrif buyurib, universitetlar va ta'lim tashkilotlari vakillariga qiziqtirgan savollarni faol berib, Yaponiyada ta'lim olish bo'yicha bilimlarini chuqurlashtirdilar. Bu yil Buhoroda ilk bor o‘quv ko‘rgazmasi o‘tkazilishi rejalashtirilgan.

　　Ochilish marosimida Yaponiya Elchisi janob Hatori Takashi o‘zining qutlash nutqida Yaponiyada tahsil olib, vataniga qaytgach, O‘zbekiston hukumati va xususiy sektorida muhim lavozimlarni egallagan O‘zbekistonlik talabalarni eslatib oldi. Shuningdek, Yaponiyada ta’lim olgan O‘zbekiston fuqarolarining Yaponiyada ish bilan ta’minlanishining muvaffaqiyatli misollarini ham aytib o‘tdi. Janob elchi yana ham koʻproq Oʻzbekiston fuqarolari Yaponiyada oʻqish imkoniyatiga ega boʻlishiga umid bildirdi.

　　Yaponiya Elchixonasi ko'rgazma davomida davlat stipendiya dasturlari haqida ma’lumot berdi (Yaponiya hukumatining davlat stipendiya dasturi haqidagi ma’lumot https://www.uz.emb-japan.go.jp/itpr_uz/programMEXT.html veb-saytida keltirilgan) .

　　Elchixona bunday tadbirlar imkon qadar koʻproq Oʻzbekistonlik talabalarga Yaponiya universitetlarida oʻqish tajribasini orttirish imkonini beradi deb umid qiladi.

Eslatma:
Japan Career Portal - Yaponiyada o'qish yoki ishlashni rejalashtirayotgan yoki Yaponiyada ishlayotgan/o'qiyotgan O'zbekiston fuqarolari uchun ma'lumot sayti: https://japancareer.uz/uz